1. |
Мангбо - даи они
02:02
|
|||
Андрей Александрович Пассар
Мангбо дарамини,
Мангбо сонгтани.
Дёнгоми улэсии,
Мэнэ улэн боаи.
Мангбо — даи они,
Симбивэ буэ банялайпу.
Балдиори-мат си сонгтаси,
Дяриори-мат си даиси.
Мангбо согдатани,
Кайрамборива гэлэйни,
Мэнэ балдигои,
Мангбова гудесиури.
Намосал-мат онингуи,
Хугди, муэни эгди.
Синди гэсэ бипу,
Мангбо — буэ кэсипу.
|
||||
2. |
смысл Мангбо - даи они
02:13
|
|||
3. |
Михорандапу
02:10
|
|||
Анна Петровна Ходжер
Хонкова холидой,
Дяхарба далидой,
Хурэмбэ хуэлидуй,
Дэрэнгуй дэдидуй.
Хэриэндэпу,
Яргоандапу.
Дэпсиэнгэ боангопу,
Яргилма нангопу.
Нэичэнсэл чолчирал
Бэюнсел ниргирэл.
Хэрэ боангопу,
Хэрэ нангопу.
Агди пойкайни,
Нэмди осини.
Хабдата хабарини,
Хэдунду соргини.
Агданасиапу,
Сэбденэсиэпу.
Баямби борими,
Пурилби гудиэсиу.
Элгимби элгиучими.
Аяди балдиосу.
Кэнкэлэпу,
Михорандапу.
|
||||
4. |
смысл Михорандапу
02:46
|
|||
5. |
Наа Аняни
00:50
|
|||
Понгса Константинович Киле
Хэвэн, мангбочан, эйнивэ
Килтомди торонгосо.
Они, биран, юргимэри,
Паогимари дяриосо.
Усэлтэсэл, бэюнсэл,
Бунди гэсэ тургими,
Кадар калтаридиани,
Яогидяни дэгдэусу.
Кэчи, таондёан, сукчумди
Енуэлэми сомосу,
Хулди вата, бумбивэ
Ойбамари одёсу.
Айсин сиумбэ эурими,
Ниэчэкэнсэл, эйнивэ
Дуэнтэ, аодан нэмди
Силайдиани дяриосо.
|
||||
6. |
смысл Наа Аняни
02:04
|
|||
7. |
Анячи
01:39
|
|||
Анна Петровна Ходжер
Гэ, солианкан, хай тэсису,
Талава, чайкамба пэргэндэусу.
Гэ, хэдиэнкэн, солосу,
Анячи тургэнди дидусу.
Халачиосу, исиндапу,
Ихондиари дидэпу.
Гиладиари исиндапу,
Кусундиэри мэлдендэпу.
Андана, дякпаси харосу,
Тава кирадоани тэрусу.
Утунгиди сойраори,
Огдади гиолиори.
Вайлинга экэсэл,
Талоди илгава явосу.
Боатомдисал, ботамдисал,
Эйневэ гэсэ бачигоарсу!
|
||||
8. |
смысл Анячи
02:24
|
|||
9. |
Сана
00:51
|
|||
Георгий Андреевич Бельды
Мангбова ботами
Санава вахамби.
Этэ-тэ даива
Нгонилани: илан да.
Этэ-тэ даива нгонилани илан да
Тэде-ну? Тэде
Тэде-ну? Тэде
Мэнэ вахамби, мэнэ сарамби,
Мэнэ вахамби, мэнэ сарамби.
Санангои масилапи
Мимбиэ муэчи тоандини.
Этэ-тэ нонгдива
Муэду илисиори.
Муэду нонгдину? Муэду пэку-ну?
Мэнэ угдихэмби, мэнэ сарамби.
Мэнэ угдихэмби, мэнэ сарамби.
Санава, кусулэпи
Паогими начи тоангоамби.
Этэ-тэ хуйгэвз,
Огдачи кутучиури.
Этэ-тэ хуйгэвэ,
Огдачи кутучиури.
Огдаси хэтэй-ну? Огдаси мутэй-ну?
Хони-да, гадёхамби мэнэ сарамби.
Хони-да, гадёхамби мэнэ сарамби.
Агдаси гурунсэл-дэ,
Мимбивэ эйду досидичи
Этэ-тэ мангава,
Найва мэпи тэдеумбури.
Этэ-тэ мангава,
Найва мэпи тэдеумбури.
Тэдеусу, агдаосу
Тэдеусу, агдаосу
Индаи сиахамбани ми хони тамби.
Индаи сиахамбани ми хони тамби.
|
||||
10. |
смысл Сана
01:05
|
|||
11. |
Синду Дяриамби
01:42
|
|||
Георгий Андреевич Бельды
Нёнгиан хурэмбэ хуэлиэчими,
Дукпу дуэнтэвэ дуэрэчими,
Анда, симбивэ мурчиэмби,
Синди мурунди балдиамби.
Анда, симбивэ мурчиэмби,
Синди мурунди балдиамби.
Анда, ачианси юргивэни,
Дуэнтэ сиаргидоани долдиамби.
Вата паогини сиасиндоани
Миаванси туйнкуйвэни сарамби
Сиун гарпайни муэкэнду,
Си дурумбэси ичэмби.
Хэдун тойкойни боаканду
Пэкэ эриэмбэси эрсиэмби
Анда, симбивэ дярими,
Ми дуэгуэни барасимби.
Си дурумбэси улэсими,
Тул-тул миавандой олбиачиамби!
|
||||
12. |
смысл Синду Дяриамби
01:20
|
|||
13. |
Ми Боаи
01:02
|
|||
Константин Мактович Бельды
Эмуту айсима дегбо-мат,
Самолёт уйси-гдэ торини.
Амана боангочи, сандай-мат,
Дэпсиэнди ичэури одайни.
Хони-да ичэи-дэ, нангои
Намчианга, миаванга, гучкули!
Энимби паксиди уйлэйни
Илга-мат, хэлгэсэл морианди.
Дэпсиэнгэ дуэнтэсэл долачи,
Коёл-мат колдонсал илисил.
Пандо-да, пуксин-дэ нёамбачи
Тургэнди тугбуми мутэси.
Хони-да ичэи-дэ, нангои
Намчианга, миаванга, гучкули!
Энимби паксиди уйлэйни
Илга-мат, хэлгэсэл морианди.
Хэвэнсэл, онисал, амоансал
Сиунду, мэнгун-мэт, килтоандай.
Нангои уеди ичэй-дэ,
Пудин-мэт, бади-да миаванай.
Хони-да ичэи-дэ, нангои
Намчианга, миаванга, гучкули!
Энимби паксиди уйлэйни
Илга-мат, хэлгэсэл морианди.
|
||||
14. |
смысл Ми Боаи
00:58
|
|||
15. |
Пэдэми Энэру
01:22
|
|||
Георгий Андреевич Бельды
Хай валиаха хэдундуэни,
Миавамби манярини.
Балдии улэн диаи
Хэдунду хуэдурини.
Моканла бичин осини,
Хамиаваси хэемчэи.
Хасарку бичин осини
Диагоаси дэгдэмчэи.
Хабдата бичин осини,
Хуэдуэми энэмчэи,
Хэптэрсиэси бичин осини,
Игудэл дяримчаи.
Дяринди диадии
Симбивэ тургунчидемби.
Дёкчила игуйдуэси
Тунгэнчиэси тугудемби.
Бодори Даи Мангбо,
Муэкэнди чэктэриру,
Миавамби хэсэдиэни
Эдиэ элкигуру.
Пэдэми энэру,
Миавамби хулдиэнгуэни,
Аяди дидюру,
Тунгэмби нильбиангоани.
|
||||
16. |
смысл Пэдэми Энэру
02:17
|
|||
17. |
Мой Край
01:56
|
|||
Аким Дмитриевич Самар
Выйди в верховья Амура-
Сунгари устье сверкает.
Выйди в низовья Амура-
Устье Амгунь открывает.
Здесь я родился и вырос,
Здесь мой любимый край.
В среднем теченье Амура
Родина всех Нанай.
То поднимаются сопки,
То зеленеют луга.
Плещется море колосьев
Там, где шумела тайга.
Много ещё богатства
В недрах народ добудет,
Ценных сокровищ края
Сколько не трать-не убудет.
Рыба гуляет в Амуре,
Сколько её – угадай…
Синие сопки и реки –
Вот мой родимый край!
|
||||
18. |
||||
19. |
Гимн Нанайскому району
02:00
|
|||
20. |
Ми боаи Наи
01:44
|
|||
Андрей Александрович Пассар
Мангбонгои онини хэегуйвэни
Хали -да ми онгбоасимби.
Салохандии туй гучкулисими,
Хайду-да хэм дяриамби.
Мангбо, Мангбо, даи они,
Мэнгу-мэт пуйсими, хэейси.
Мангбо, Мангбо, эй ми боаи —
— Ини, долбо силайси!
Хайду-да биэмбим-дэ,
Миаваедии толкичиамби —
Тэй нём би хурэнсэлбэ,
Ненгне силай аодансалба.
Боаи, наи, Мангбонгои,
Миндиэди баниаламба дяпару,
ЭЙ инилэ нируивэ,
Миавандолаи уйгуивэ.
|
||||
21. |
смысл Ми боаи Наи
02:27
|
Дяриори (jariori) Records
Мы - свободный лэйбл который создан для:
1. Записи коллективов земли чёрного дракона (дальнего востока) с разных Сёл и
деревень (и не только)
2.Последующего издательства на музыкальных площадках.
3. Побочного обучения записи.
4. Культивирования создания авторской музыки.
5. Записи народных песен Нани в оригинале.
6. Аранжировки с участием современных музыкантов.
... more
Contact Дяриори (jariori) Records
Streaming and Download help
If you like ДЮЛУЙ ПАСИ, you may also like:
Bandcamp Daily your guide to the world of Bandcamp